台灣 AWA 車蠟職人！5款必買洗車神物，DIY洗車新手變達人

香港養車成本高，唔少車主都鍾意放假自己動手洗車（DIY Detailing），既慳錢又可以當做運動。但市面上洗車用品花多眼亂，點樣揀先至係精明消費者？

今次 OTLMALL 為大家推介來自台灣嘅網絡銷量冠軍——「AWA 車蠟職人」。佢哋唔單止係 2018 年「蝦皮金選獎」入圍賣家（全台過百萬賣家中嘅 Top 90！），更加係全台灣唯一專售汽車美容用品入圍嘅品牌，實力絕對有保證。

我們從中精選了 5 款 回購率最高嘅皇牌產品，AWA利害之處係品牌高達 11 樣商品都係其類別銷售冠軍🥇。由清潔到護理，幫你用最親民嘅價錢，享受專業級嘅汽車美容效果！

1. 視野清晰第一步：玻璃油膜去除劑

落雨開水撥即使換咗新膠條都仲係「跳跳下」或者有層霧？其實係玻璃上面積聚咗厚厚嘅油膜！普通洗車精係洗唔甩呢啲路面油污嘅。

• 解決痛點：徹底分解頑固油膜、水漬同雨痕。
• 達人貼士：使用後，你會發現前擋玻璃變得極度通透，水撥刮得順暢無聲，行車安全即刻 Level Up！

2. 雨季必備神物：玻璃鍍膜

清完油膜，當然要加層保護！呢款玻璃鍍膜係 AWA 嘅皇牌產品，專為應付大雨天氣而設。

• 超強潑水性：噴上後會形成超滑溜嘅撥水塗層。
• 實測效果：當車速達到 70km/h 以上，雨水會自動飛散，甚至唔洗開水撥都睇得清楚路面，視野清晰度大增，揸車都定啲！

3. 車廂空氣清新：抗菌除臭彈 銀離子除臭自動噴霧

車廂長期密封，加上冷氣喉管容易滋生細菌，好易有一陣「噏味」。AWA 呢款除臭彈唔係單純用香味蓋過異味，而係真正殺菌。

• 功效：輕鬆抗菌達 99%，有效去除煙味、食物味同霉味。
• 使用方法：
  1. 開啟車內冷氣內循環。
  2. 按下除臭彈，關上車門窗等待 5 分鐘。
  3. 打開車門通風 3 分鐘即成。
• 達人貼士：建議在陽光下使用，紫外線配合除臭成分，效果會更佳！

4. 告別污糟「黑鈴」：輪圈清潔劑

好多歐洲車嘅迫力粉（煞車粉塵）特別多，搞到個靚靚車鈴（Rims）黑蚊蚊，用普通洗潔精刷到手軟都唔乾淨。車身幾乾淨都好，如果個輪圈污糟，成架車即刻顯得好舊。

• 3步還原：噴灑 -> 靜待反應 -> 用水沖洗（太污糟可配合刷子刷洗）。
• 達人建議：噴上去之後，清潔劑會抓住污垢，如果屋企或者自助洗車場有高壓清洗機，沖洗效果會更加爽快，一沖即甩，3步令輪圈光亮如新！

5. 車漆順滑關鍵：鐵粉去除劑

洗完車摸落去車身仲係「鞋拾拾」（粗糙）？因為車漆上面仲有好多肉眼睇唔到嘅鐵粉同工業落塵。呢支鐵粉去除劑係令車漆變滑嘅秘密武器。

• 溫和配方：可以噴係輪圈，亦可以噴係車身漆面。
• 使用方法：噴灑後等待幾分鐘，你會見到紫色嘅液體流出（代表正在溶解鐵粉），之後用清水沖洗乾淨即可。
• 效果：定期使用可以避免鐵粉刺入車漆造成生鏽，令架車摸上手滑過 BB 皮膚！